Skuldinvordering

Christo Smith Prokureurs is gerat om slegte skuld effektief namens kliënte in te vorder.

Dit is belangrik om nie te talm met die oorhandiging van slegte skuld nie aangesien skuldenaars geneig is om gereeld te verhuis of bates te versluier. Dit kan meebring dat prosesse oor en oor uitgereik moet word of opspoorders aangestel moet word met gepaardgaande verhoging van kostes.

In gevalle waar skuldenaars aan skuld moet afbetaal, weens ‘n ooreenkoms of hofbevel, maak die firma gebruik van moderne rekenaar sagteware ten einde te verseker dat kliënte te alle tye op hoogte gehou word van die vordering met die proses.

Ons beleid is om te streef om indien enigsens moontlik, koste, kapitaal en rente te verhaal ten einde te verseker dat die kliënt, nie ‘n verlies ly nie.